03/08/2006


 
غلاك جار يابسمه
 

غلاك جاريابسمه لمن نشكيبـه ..كميتا ثمان سنين بان سريبـه
تـمـاضــا فــيـــا..كميتا ثمان اعوام بـان عليـا
اللي ماعلم عنا اسمـع طاريـه ..جميع الخلايق كلهـا تحكيبـه
امــعــاي تـمـاضــا..وطال غايته نفذ جميع اغراضه
وقشع ارمام العقل نين اشاضا..ودونك برح بانت عليه الريبه
الله والنبي هوّن عليه امراضـه ..اللي بالغلا لعته عطيب نصيبـه
غلاك جار يابسمه لمن نشكيبه ..كميتا ثمان سنين بان سريبـه
غلاك جار يابسمه وذيبل حالي ..علي تخطري ديما اتجي في بالـي
انتي دنيتي وانتي حدود امالـي ..وانتي الدواء واللي مريض ايجيبه
وانتي الجنين اللي على امه غالي ..وين ما بكا تسفـاه وتزازيبـه
امــعــاي تــقـــوا..وبانن فواهق دايـرات افـروا
ومازال ساكن في كنيني جـوا..لعند بكره مانسيـت سريبـه
معا كل توقة فجر نوره ضـوا..علي تخطري مدعى غلاك انجيبه
وشـاطــت نــــاره ..ومعادشي تطفـا ولاتضـاره
كلّت جميع مانما العقـل ودارا..عليه نين ماخلّت ولاتسبيبـه
اقدعت لاورا جابت قرار قراره ..علي عقاب ماعنده الها تشطيبه
غلاك يابسمه لمـن نشكيبـه ..كميتا ثمان سنين بان سريبـه

 

مع تحياتي احمد الحوتي

ahmed_alhuoty@yahoo.com

 


 

جميع المقالات والأراء التي تنشر في هذا الموقع تعبر عن رأي أصحابها فقط، ولا تعبر بالضرورة عن رأي إدارة الموقع >>>> ليبيا المستقبل منبر حر لكل من يطمح ويسعى لغد أفضل لليبيا الحبيبة

 

libyaalmostakbal@yahoo.com